Түркістан қаласында шахматтан “Senat Оpen”ашық кубогінің облыстық іріктеу турнирі басталды. ҚР Парламенті Сенаты мен Қазақстан шахмат федерациясының ұйымдастыруымен өтіп жатқан жарыс — 2024 жылғы сәуір-тамыз айлары аралығында еліміздің барлық өңірлерінде өтеді.
Турнирге облыстың барлық деңгейдегі мәслихат депутаттары, қоғамдық кеңес мүшелері, саяси қайраткерлер, қоғам белсенділері, бұқаралық ақпарат құралдарының өкілдерінен 102 шахматшы қатысуда.
Турнирдің мақсаты:
1) Шахматты саяси қайраткерлер, барлық деңгейдегі депутаттар және қоғам өкілдері арасында танымал ету;
2) Қазақстан Шахмат Федерациясының (бұдан әрі – ҚШФ) атқарушы дирекциялары мен жергілікті жерлердегі өкілді билік органдары арасындағы берік байланысты нығайту;
3) ҚШФ танылу индексін арттыру;
4) Шахмат спортын дамытуға жергілікті атқарушы органдардың назарын аудару;
5) Қазақстан ұлтының зияткерлік әлеуетін дамытуға белсенді қатысу;
6) Сенаттың 1-ші ашық кубогының жартылай финалына қатысушыларды анықтау.
