2024 жылдың желтоқсан айының 13-14 күндері аралығында Түлкібас ауданының спорт саласының еркін күрес спорт түрінің дамуына елеулі үлес қосқан Дәулетқұлов Әзімхан Күмісбекұлын және Жумагулов Ерлан Нұрланбекұлын еске алуға арналған еркін күрестен 2013-2014 ж.т. жасөспірімдер арасындағы Түркістан облысының ашық турнирі өтті.
Жарысқа Түркістан облысының аудан және қалаларынан келген 350-ге жуық жас палуандар боз кілемде бақтарын сынады.
Осы турнирде ауданымыздағы «Ақсу Жекпе-жек спорт клубы» коммуналдық мемлекеттік мекемесінің шәкірттері жеңіс тұғырынан көрінді.
Атап айтқанда, барлық қарсыластарын боз кілемде жыққан Анартай Жанбол 48 келі салмақ дәрежесінде I-ші орынға ие болса, 48 келі салмақ дәрежесінде тағы бір шәкіртіміз Сардар Бабаханов II-ші орынды еншіледі.
Жас палуандарды жарқын жеңісімен құттықтаймыз.
