Қазығұртта шахматтан әйелдер арасында халықаралық гроссмейстер, Азия чемпионы, Бүкіләлемдік шахмат Олимпиадасының қола жүлдегері Гүлмира Дәулетованың жүлдесіне арналған облыстық турнир өтіп жатыр. Спорттық жарысқа Түркістан облысына қарасты 17 аудан-қаладан 130-ға жуық жас шахматшы қатысуда. Шараға аудан әкімінің орынбасары Мұхамедғали Әшірбаев пен шахматшы Гүлмира Дәулетова қатысып, қатысушыларға сәттілік тіледі.
Шарада сөз алған Гүлмира Дәулетова турнирді ұйымдастыруға ұйытқы болған барша қолдаушылар мен жергілікті билікке алғыс айтты. Ол доданың жас буынға рухани серпін беріп, болашақ чемпиондардың қалыптасуына ықпал ететінін ерекше атап өтті. Аталған турнир Қазығұрт ауданында екінші мәрте дәстүрлі түрде өткізіліп отыр. Турнир спортшылар үшін тәжірибе алмасуға, бәсекеге қабілеттіліктерін арттыруға және шеберліктерін шыңдауға үлкен мүмкіндік болмақ.
Гүлмира Бекзатқызы Дәулетова — 1988 жылы 13 сәуірде дүниеге келген. Әйелдер арасындағы халықаралық гроссмейстер (2020), Дүниежүзілік шахмат олимпиадасының қола жүлдегері, Қазақстан Республикасы әйелдер құрамасының тұрақты мүшесі. Қазақстандық шахмат атағына ие ойыншы Әйел халықаралық шебер (WIM, 2007), Әйелдер арасындағы шахмат олимпиадасы жеке қола медаль иегері (2014 ).
Гүлмира Дәулетова әйелдер арасында халықаралық гроссмейстер атағы бар, Қазақстанның бірнеше дүркін чемпионы, Дүниежүзілік шахмат олимпиадасының қола жүлдегері. Оның жетістіктерінің қоржынында Азия чемпионатындағы алтын медаль бар.
4 жасар Гүлмираның алғашқы жаттықтырушысы әкесі Дәулетов Бекзат (бағдарламашы және шахматтан спорт шеберіне үміткер) болды. Екінші жаттықтырушы Григорий Борисович Ким болды, ол оны Азия чемпионына жеткізді.
Ұлттық құрамадағы жалғыз шахматшы қыз мектепті Алтын белгімен бітіріп, мүмкін болған 120 ұпайдан 113 ұпай жинады.
2009 жылы Әуезов атындағы Оңтүстік Қазақстан мемлекеттік университетінің құқықтану және халықаралық қатынастар факультетін қызыл дипломмен бітірді. 2012 жылы Алматыдағы Қазақ ұлттық университетінің халықаралық қатынастар факультетінің магистратурасын қызыл дипломмен бітірді. 2011 жылы Испанияда Универсидад де Кадисте алмасу мамандығы бойынша оқыды, оқуын «А» бағасымен аяқтады — үздік және осы жолда «V Open International St Casablanca» турнирінде жеңіске жетті.
Гүлмира спорттық мансабында шахматты дамыту саласында көптеген мемлекеттік және халықаралық ФИДЕ (Халықаралық шахмат федерациясы) марапаттарымен марапатталған, Азия шахмат федерациясының әйелдер комиссиясының төрағасы.
Гүлмира — бүгінде мектепте оқитын 2-4 сыныптарға арналған «Шахмат» әдістемелік құралдың авторы, мұғалімдер мен балаларды оқытуға арналған онлайн платформа курсының әзірлеушісі.
Қазір Қазақстанның Топ-5 үздік шахматшыларының қатарына кіреді.
